مرحباً بكم في المتجر الرسمي لكتاب
"نسخة تحت الإنشاء"
(شحن الكتاب مجاناً لأي مكان في مصر)
نسخة تحت الإنشاء
لأنك مش مضطر تكون كامل… علشان تكون حقيقي.
نسخة تحت الإنشاء
أنت قاعد في أوضتك، في هدوء غريب،
كل حاجة حواليك شكلها عادي، بس جواك في دوشة مش مفهومة.
بتبص في المراية ومش متأكد… ده أنت؟ ولا حد تاني؟
بتحاول تفتكر آخر مرة كنت فيها مرتاح، أو حتى متصالح… بس الذاكرة مش بتساعد.
بتقوم، بتتمشى، تفتح تليفونك، تقفله تاني.
فيه إحساس كبير بالفراغ!
مش حزين قوي… بس مش فرحان.
مش تايه بمعنى الكلمة، بس أكيد مش في مكانك.
ولو وصلت هنا، فـ غالبًا فيه جزء جواك لسه بيدوّر على نفسه…
وبيسأل: “أنا رايح فين؟ وليه مش حاسس بحاجة؟”
الكتاب ده مش حكاية شخص واحد…ده حوار مفتوح، ما بينك… وبينك.
من قلب اللي كتبه، ومن وجع اللي قراه.
ليه ممكن تحتاج تقرأ الكتاب ده؟
- لانك بتحاول تفهم نفسك ومش لاقي مفاتيح واضحة.
- لانك بتعدّي بفترة رمادية… لا فرح ولا حزن.
- لانك دايمًا بتجلد نفسك وبتشكك في كل خطوة.
- لانك بتشتاق لنسخة منك تكون أهدى… أصدق… أقرب ليك.
- الكتاب مش وعد… هو مراية. ممكن تشوف فيها حاجات نسيتها، أو كنت بتتجاهلها من كتر الزحمة.
طيب… هو عن إيه؟
“نسخة تحت الإنشاء” مش رواية، ومش كتاب تطوير ذات بالشكل التقليدي.
هو رسائل، تأملات، وحوارات داخلية…
من شخص بيحاول يفهم نفسه، وقرر يكتب الرحلة.
فيه صفحات هتسألك أسئلة وجعتك قبل كده،
وفيه جمل هتفضل ترن في دماغك وانت سايق… أو قبل ما تنام.
الكتاب مُوجه..
- لكل واحد بيحاول يلاقي نفسه
- لأي شاب تعب من محاولات المثالية
- لأي بنت بتحاول تفهم صوتها وسط زحمة التوقعات
- لكل شخص لسه ما فقدش الأمل في إنه يتصلح… حتى لو بيقع كل يوم
مراجعة الكتاب
الأسئلة الشائعه
هل الكتاب ده رواية؟
هو كتاب تأمّلي بيجمع بين الرسائل، الحوارات الداخلية، والمواقف الحياتية… فيه لمسة حكي روائيه قريبة من القلب.
ينفع أقدّمه هدية؟
طبعًا، فيه كتير اشتروا نسخ كـ هدايا لأصحابهم أو لأشخاص بيمرّوا بفترة صعبة. الكتاب بيكلم الناس من جوّاهم، وده اللي بيخليه هدية مختلفة.
هل هي لغة عامية ولا فصحى؟
الكتاب مكتوب بمزيج بسيط من الفصحى والعامية، عشان يكون أقرب ليك وتحس إنه طالع من القلب.
إيه حجم الكتاب؟
الكتاب في حدود ١٣٠ صفحة، سهل وسلس، وممكن يتقري على مراحل حسب مزاجك.
هل في طبعة إلكترونية؟
إزاي بطلب؟
ينفع أبدأ بيه حتى لو مش قارئ منتظم؟
هل الكتاب مناسب لفئة عمرية معينة؟
الكتاب موجه بشكل خاص للشباب من 18 إلى 35 سنة، بس ناس أكبر قرأوه وقالوا إنهم حسّوا بنفس المشاعر، لأنه بيكلم الإنسان في لحظة صدقه مع نفسه.
هل فيه لغة دينية أو فلسفية؟
الكتاب بيطرح أسئلة وجودية وحياتية، بس بلغة إنسانية جدًا، بعيدة عن الوعظ، ومش بتفرض أي فكر… هو بيفتحلك الباب تفكر بطريقتك.
هو حزين؟
مش حزين، لكنه صادق. هي رحلة داخلية فيها شوية وجع، بس كمان فيها طبطبة… هو كتاب ممكن يوجعك شوية، بس هيخليك تحس إنك مش لوحدك.
أنا بحس بصعوبة إني أبدأ حاجة جديدة… الكتاب ده ممكن يساعدني؟
لو اشتريت الكتاب ومحستش إنه مناسب ليا؟
إحنا واثقين إن كل قارئ هيلاقي فيه حاجة ليه. بس لو لأي سبب الكتاب ماكانش ليك، على الأقل جرّبت تسمع لصوت جواك… وده في حد ذاته خطوة مهمة.